1 წუთი კითხვის
სომხეთის საგარეო საქმეთა მინისტრმა არარატ მირზოიანმა პროდუქტიულად შეაფასა სომხეთი-ევროკავშირის პირველი სამიტის შედეგები, რომელიც ერევანში 5 მაისს გაიმართა.
„არმენპრესის“ ცნობით, არარატ მირზოიანი ამ თემას ლიეტუვის საგარეო საქმეთა მინისტრთან გამართულ ერთობლივ პრესკონფერენციაზე გამოეხმაურა, როდესაც უპასუხა კითხვას იმის შესახებ, თუ როგორია ევროკავშირში სამიტის შედეგად სომხეთის მიდგომების აღქმა.
„სომხეთის მიდგომები მანამდეც ყოველთვის დინამიურად წარედგინებოდა როგორც ევროკავშირის, ისე წევრი ქვეყნების პარტნიორებს. გამონაკლისი არც ეს სამიტი ყოფილა. საიდუმლო არ არის, რომ სომხეთი დღითიდღე უფრო და უფრო უახლოვდება ევროკავშირს. ამისთვის არსებობს ყველა შესაძლებლობა და არსებობს ნომერ პირველი წინაპირობა - სომეხი ხალხის ევროპული ამბიციები, რაც გამოიხატა, მაგალითად, გასული წლის სამოქალაქო ინიციატივით, რომელიც, საბოლოო ჯამში, ეროვნული ასამბლეის მიერ მიღებულ კანონად იქცა“, - განაცხადა მირზოიანმა, რითაც მხედველობაში იქონია კანონი ევროკავშირში სომხეთის გაწევრიანების პროცესის დაწყების შესახებ.