ჰენრიხ მხითარიანმა კარიერაში მე-900 მატჩი ჩაატარა

სომხეთის ფეხბურთის ეროვნული ნაკრების ყოფილმა კაპიტანმა ჰენრიხ მხითარიანმა კარიერაში მე-900 შეხვედრა გამართა.

„არმენპრესის“ ცნობით, იტალიის საფეხბურთო ჩემპიონატის 37-ე ტურში მილანის „ინტერმა“ „ვერონას“ უმასპინძლა. მატჩი ფრედ, ანგარიშით 1:1 დასრულდა, ამ შეხვედრის საუკეთესო ფეხბურთელად კი ჰენრიხ მხითარიანი დასახელდა.

ეს მატჩი სომეხი ნახევარმცველისთვის კარიერაში მე-900 აღმოჩნდა. „ინტერი“ მიმდინარე სეზონში იტალიის ჩემპიონი და თასის მფლობელი გახდა.

კარიერის განმავლობაში ჰენრიხ მხითარიანი თამაშობდა ერევნის „ფიუნიკში“, დონეცკის „მეტალურგში“, დონეცკის „შახტარში“, გერმანულ „დორტმუნდის ბორუსიაში“, ინგლისურ „მანჩესტერ იუნაიტედსა“ და „არსენალში“, იტალიურ „რომაში“, ამჟამად კი მილანის „ინტერის“ ფეხბურთელია.