თურქეთმა სომხეთთან პირდაპირი ვაჭრობის დაწყების შესახებ განაცხადა

თურქეთმა სომხეთთან პირდაპირი ვაჭრობის დასაწყებად მოსამზადებელი სამუშაოების დასრულების შესახებ განაცხადა.

„არმენპრესის“ ცნობით, ამის შესახებ ინფორმაციას თურქეთის საგარეო საქმეთა სამინისტრო ავრცელებს.

 თურქეთის საგარეო უწყების თანახმად, 2026 წლის 11 მაისის მდგომარეობით, ყველა საჭირო ბიუროკრატიული პროცედურა დასრულებულია.

მიუხედავად ამისა, ორ ქვეყანას შორის საერთო საზღვრის გახსნის ტექნიკური და ბიუროკრატიული სამუშაოები გრძელდება. ახალი რეგულაციების შესაბამისად, მესამე ქვეყნების გავლით თურქეთიდან სომხეთში გადაზიდულ საქონელზე ახლა უკვე შესაძლებელია საბოლოო დანიშნულების ან წარმოშობის ქვეყნად მიეთითოს სომხეთი ან თურქეთი. ანკარამ ხაზგასმით აღნიშნა, რომ თურქეთი კვლავაც შეუწყობს ხელს სამხრეთ კავკასიაში ეკონომიკური კავშირებისა და თანამშრომლობის განვითარებას რეგიონის ყველა ქვეყნისა და ხალხის სასარგებლოდ.