1 წუთი კითხვის
საფრანგეთის პრეზიდენტი ემანუელ მაკრონი, სომხეთში სახელმწიფო ვიზიტის ფარგლებში, გიუმრისაც ეწვევა.
„არმენპრესის“ ცნობით, 5 მაისს გიუმრის ვარდანანცის მოედანზე დაგეგმილია დიდი კონცერტი, რომელიც სომხეთისა და საფრანგეთის მეგობრობასა და კულტურული თანამშრომლობის გაღრმავებას ეძღვნება.
საკონცერტო პროგრამაში შესრულდება სომხური და ფრანგული თემატური სიმღერები, რომლებსაც ცნობილი სომეხი და ფრანგი არტისტები სომხეთის სახელმწიფო სიმფონიური ორკესტრის თანხლებით წარადგენენ.
სომხეთის მთავრობამ 30 აპრილის სხდომაზე მიიღო გადაწყვეტილება, კონცერტის ორგანიზებისთვის სარეზერვო ფონდიდან 392 მლნ 897.7 ათასი დრამი გამოყოს.