1 წუთი კითხვის
საპარლამენტთაშორისო კავშირის (IPU) 152-ე ასამბლეის პლენარული სხდომის მუშაობაში მონაწილეობის მიზნით, სამუშაო ვიზიტით სტამბოლში მყოფი სომხეთის ეროვნული ასამბლეის თავმჯდომარე ალენ სიმონიანი საქართველოს პარლამენტის თავმჯდომარე შალვა პაპუაშვილს შეხვდა.
„არმენპრესის“ ცნობით, ამის შესახებ ინფორმაციას სომხეთის რესპუბლიკის ეროვნული ასამბლეის საზოგადოებასთან ურთიერთობისა და კომუნიკაციის დეპარტამენტი ავრცელებს.
თანამოსაუბრეებმა საპარლამენტთაშორისო თანამშრომლობასთან დაკავშირებული საკითხების ფართო წრე განიხილეს.
საუბარი შეეხო როგორც რეგიონულ განვითარებასთან დაკავშირებულ საკითხებს, ისე ორმხრივი ინტერესის სხვა თემებს.
<