სომხეთის ელჩმა და აშშ-ის კომუნიკაციების ფედერალური კომისიის თავმჯდომარემ სფეროში თანამშრომლობის საკითხები განიხილეს
1 წუთი კითხვის
ამერიკის შეერთებულ შტატებში სომხეთის რესპუბლიკის ელჩი ნარეკ მკრტჩიანი აშშ-ის კომუნიკაციების ფედერალური კომისიის (FCC) თავმჯდომარეს, ბრენდან კარს შეხვდა.
„არმენპრესის“ ცნობით, შეხვედრის დეტალებზე ინფორმაციას აშშ-ში სომხეთის საელჩო ავრცელებს.
აღნიშნულია, რომ მხარეებმა განიხილეს კომუნიკაციებისა და უსაფრთხოების სფეროს პრიორიტეტული საკითხები ჰიბრიდული საფრთხეების, დეზინფორმაციასთან ბრძოლისა და სხვა გამოწვევების კონტექსტში.
„ელჩმა მკრტჩიანმა ხაზი გაუსვა FCC-ის გამოცდილების მნიშვნელობას და აღნიშნა თანამშრომლობის აუცილებლობა სომხეთის პოტენციალის, ასევე ინფრასტრუქტურისა და ტექნოლოგიური განვითარების პროცესში დასახული პრიორიტეტების გათვალისწინებით“, - ნათქვამია საელჩოს მიერ გავრცელებულ განცხადებაში.
შეხვედრაზე ასევე განიხილეს კომუნიკაციების სფეროში საუკეთესო გამოცდილების გაზიარების, დარგობრივი ვიზიტების განხორციელებისა და თანამშრომლობის ინსტიტუციონალიზაციის შესაძლებლობები.