აშშ-ში სომხეთის ელჩი დონალდ ტრამპის მარ-ა-ლაგოს რეზიდენციაში გამართულ მიღებას დაესწრო

აშშ-ში სომხეთის ელჩი ნარეკ მკრტჩიანი, სამუშაო ვიზიტის ფარგლებში, ფლორიდაში აშშ-ის პრეზიდენტის, დონალდ ტრამპის მარ-ა-ლაგოს რეზიდენციაში გამართულ მიღებას დაესწრო.

 „არმენპრესის“ ცნობით, ამის შესახებ ინფორმაციას აშშ-ში სომხეთის საელჩო ავრცელებს.

ვიზიტის ფარგლებში, ელჩს ხანმოკლე შეხვედრა ჰქონდა აშშ-ის კონგრესის წევრ აბე ჰამადეჰთან, რა დროსაც ხაზი გაესვა სომხეთ-ამერიკის ორმხრივი ურთიერთობების მიმდინარე დღის წესრიგის მნიშვნელობას.

სამუშაო ვიზიტის ფარგლებში ელჩმა ასევე გამართა რამდენიმე სხვა ხანმოკლე შეხვედრა და კონტაქტი, რომლებიც მიზნად ისახავდა სომხეთ-ამერიკული კავშირების გაღრმავებასა და სხვადასხვა სფეროში თანამშრომლობის ახალი შესაძლებლობების გამოვლენას. ამ კონტექსტში, ელჩმა მკრტჩიანმა ხაზი გაუსვა მარ-ა-ლაგოს როლს, როგორც დიალოგისა და თანამშრომლობის გაფართოების პლატფორმას.