სომხეთი-თურქეთის დიალოგი იმდენად მომწიფდა, რომ ქვეყნებს შორის დიპლომატიური ურთიერთობები დამყარდეს: მირზოიანი
1 წუთი კითხვის
სომხეთის საგარეო საქმეთა მინისტრი არარატ მირზოიანი მიიჩნევს, რომ სომხეთი-თურქეთის დიალოგი საკმარისად მომწიფდა იმისთვის, რომ ორ ქვეყანას შორის დამყარდეს დიპლომატიური ურთიერთობები და საზღვარი სრულად გაიხსნას.
„არმენპრესის“ ცნობით, საგარეო უწყების ხელმძღვანელმა ამის შესახებ ეროვნული კრების საგარეო ურთიერთობათა მუდმივმოქმედი კომიტეტის სხდომაზე განაცხადა, ფრაქცია „სომხეთის“ დეპუტატ გეღამ მანუკიანის კითხვის საპასუხოდ.
„თურქეთი-სომხეთის დიალოგი საკმარისად მომწიფდა იმისთვის, რომ იმ პროცესების პარალელურად, რაც მიმდინარეობს, დადგეს საბოლოო შედეგიც, რაც გულისხმობს ორ ქვეყანას შორის დიპლომატიური ურთიერთობების დამყარებასა და საზღვრის სრულ გახსნას. აქ აზრთა სხვადასხვაობა არ არსებობს და ამას ჩვენს თურქ კოლეგებსაც ვეუბნებით“, - განაცხადა მირზოიანმა.