სომხეთი სრულიად საქართველოს კათოლიკოს-პატრიარქის დაკრძალვაში უმაღლეს დონეზე მიიღებს მონაწილეობას

სომხეთის პრემიერ-მინისტრი ნიკოლ ფაშინიანი დაურეკავს თავის ქართველ კოლეგას, პრემიერ-მინისტრ ირაკლი კობახიძეს, რათა პირადად მიუსამძიმროს სრულიად საქართველოს კათოლიკოს-პატრიარქის, ილია II-ის გარდაცვალების გამო.

 „არმენპრესის“ ცნობით, ამის შესახებ ფაშინიანმა მთავრობის სხდომის შემდეგ ჟურნალისტებთან საუბრისას განაცხადა.

„სომხეთის რესპუბლიკა დაკრძალვის ცერემონიაში უმაღლეს დონეზე მიიღებს მონაწილეობას. ვაპირებ დავურეკო საქართველოს პრემიერ-მინისტრს და პირადად მივუსამძიმრო“, - განაცხადა პრემიერ-მინისტრმა.