ინდოეთის საგარეო საქმეთა მინისტრმა სომხეთს საკუთარი მოქალაქეების ევაკუაციაში დახმარებისთვის მადლობა გადაუხადა
1 წუთი კითხვის
ინდოეთის საგარეო საქმეთა მინისტრმა სუბრამანიამ ჯაიშანკარმა მადლობა გადაუხადა სომეხ ხალხსა და სომხეთის მთავრობას ირანიდან მისი ქვეყნის მოქალაქეების უსაფრთხო ევაკუაციის უზრუნველყოფისთვის. „არმენპრესის“ ცნობით, ამის შესახებ მან X-ის საკუთარ გვერდზე დაწერა.
„მადლობას ვუხდით სომხეთის მთავრობასა და ხალხს ირანიდან ინდოეთის 550 მოქალაქის უსაფრთხო ევაკუაციაში გაწეული დახმარებისთვის. ჩვენ მაღალ შეფასებას ვაძლევთ მათ მხარდაჭერას ასეთ რთულ პერიოდში“, - დაწერა ჯაიშანკარმა და პოსტში სომხეთის საგარეო საქმეთა მინისტრი არარატ მირზოიანიც მონიშნა.
სომხეთის საგარეო საქმეთა სამინისტრომ 11 მარტს გაავრცელა განცხადება, რომლის თანახმად, ირანში 28 თებერვალს ომის დაწყების შემდეგ, სომხეთის ტერიტორიის გავლით 46 ქვეყნის მოქალაქეების ევაკუაცია განხორციელდა.