1 წუთი კითხვის
სომხეთის პრემიერ-მინისტრი ნიკოლ ფაშინიანი ორდღიანი ოფიციალური ვიზიტით პოლონეთის რესპუბლიკაში ჩავიდა.
როგორც „არმენპრესი“ სომხეთის რესპუბლიკის პრემიერ-მინისტრის აპარატის მიერ გავრცელებული განცხადებიდან იტყობინება, ვიზიტის ფარგლებში ნიკოლ ფაშინიანი ვარშავაში სამეფო სასახლე-მუზეუმსა და პოლონეთის საერთაშორისო ურთიერთობების ინსტიტუტს ეწვევა, სადაც დაგეგმილია შეხვედრა პოლონური ანალიტიკური ცენტრების წარმომადგენლებთან.
ოფიციალური ვიზიტის განმავლობაში პრემიერ-მინისტრი ფაშინიანი შეხვედრას გამართავს პოლონეთის პრემიერ-მინისტრ დონალდ ტუსკთან. შეხვედრის დასრულების შემდეგ, სომხეთისა და პოლონეთის პრემიერ-მინისტრები მასმედიის წარმომადგენლებისთვის ერთობლივ განცხადებებს გააკეთებენ.
ოფიციალური ვიზიტის ფარგლებში ასევე დაგეგმილია პრემიერ-მინისტრ ნიკოლ ფაშინიანის შეხვედრები პოლონეთის რესპუბლიკის პრეზიდენტ კაროლ ნავროცკისთან და სენატის თავმჯდომარე მალგოჟატა კიდავა-ბლონსკასთან.