აზერბაიჯანი სომხეთს 4500 ტონა დიზელის საწვავს მიაწვდის - აზერბაიჯანული მედია

აზერბაიჯანული საინფორმაციო საშუალებები იტყობინებიან, რომ აზერბაიჯანი სომხეთს 4500 ტონა დიზელის საწვავს გაუგზავნის.

„არმენპრესის“ ცნობით, აღინიშნება, რომ საწვავი სომხეთში 25 თებერვალს, რკინიგზის მეშვეობით, საქართველოს ტერიტორიის გავლით გამოიგზავნება.

2025 წლის 19 დეკემბერს სომხეთში იმპორტირებული იქნა 1218 ტონა აზერბაიჯანული A-95 მარკის ბენზინი. კომპანიებმა, რომლებმაც აზერბაიჯანული ბენზინი შემოიტანეს, სომხეთში „პრემიუმ“ კლასის ბენზინის გაყიდვა ლიტრზე 430 დრამად დაიწყეს (მანამდე ერთი ლიტრის ფასი 510 დრამს შეადგენდა). 2026 წლის 7 იანვარს კი ცნობილი გახდა, რომ აზერბაიჯანი სომხეთს საწვავის მეორე პარტიას აწვდის: 1000 ტონა A-92 მარკის ბენზინს, ამავე რაოდენობის დიზელის საწვავსა და 1800 ტონა A-95 მარკის ბენზინს.