1 წუთი კითხვის
სომხეთის რესპუბლიკის თავდაცვის მინისტრი სურენ პაპიკიანი ოფიციალური ვიზიტით სომხეთში მყოფ ინდოეთის შეიარაღებული ძალების თავდაცვის შტაბის უფროსს, გენერალ ანილ ჩაუჰანს შეხვდა.
„არმენპრესის“ ცნობით, ამის შესახებ განცხადება გაავრცელა სომხეთის რესპუბლიკის თავდაცვის სამინისტრომ.
შეხვედრას ასევე ესწრებოდა სომხეთში ინდოეთის საგანგებო და სრულუფლებიანი ელჩი ნილაქში საჰა სინჰა.
მინისტრმა პაპიკიანმა მაღალი შეფასება მისცა თავდაცვის სფეროში სომხეთ–ინდოეთს შორის თანამშრომლობის ამჟამინდელ დონეს და ხაზი გაუსვა თანამშრომლობის პროგრამების რეგულარული განხორციელების მნიშვნელობას.
გენერალმა ჩაუჰანმა დაადასტურა ინდოეთის შეიარაღებული ძალების მზადყოფნა, გააგრძელონ თანამშრომლობის განვითარება არსებული მიმართულებებით და წამოიწყონ ორმხრივი ინტერესის მქონე ახალი მიმართულებები.
შეხვედრის ფარგლებში ასევე განიხილეს რეგიონულ და საერთაშორისო უსაფრთხოებასთან დაკავშირებული არაერთი საკითხი.
ადრე, სომხეთის რესპუბლიკის თავდაცვის სამინისტროს ადმინისტრაციულ კომპლექსში გაიმართა ინდოეთის შეიარაღებული ძალების თავდაცვის შტაბის უფროსის ოფიციალური მიღების საზეიმო ცერემონია.