სომხეთის რესპუბლიკის საგარეო საქმეთა მინისტრმა ირანის საგარეო საქმეთა მინისტრის მოადგილესთან ორმხრივი ურთიერთობების განვითარების საკითხები განიხილა

სომხეთის რესპუბლიკის საგარეო საქმეთა მინისტრმა არარატ მირზოიანმა მიიღო ირანის ისლამური რესპუბლიკის საგარეო საქმეთა მინისტრის მოადგილე მაჯიდ თახთ რავანჩი, რომელიც ერევანში იმყოფება სომხეთ–ირანის პოლიტიკური კონსულტაციების გამართვის მიზნით. „არმენპრესის“ ინფორმაციით, ამის შესახებ განცხადება სომხეთის საგარეო საქმეთა სამინისტრომ გაავრცელა.

განიხილეს სომხეთ–ირანის ორმხრივი ურთიერთობების განვითარების საკითხები. მხარეებმა ორმხრივად გაუსვეს ხაზი ურთიერთობების სტრატეგიულ დონეზე აყვანასთან დაკავშირებით არსებულ პოლიტიკურ თანხმობას და შეეხნენ ამ მიმართულებით განხორციელებულ სამუშაოებს.

„ჩვენ, ბუნებრივია, დიდ მნიშვნელობას ვანიჭებთ ჩვენს მეზობელ და მეგობარ ირანთან ურთიერთობებს. არსებითად, ეს ჩვენთვის სტრატეგიული მნიშვნელობის ურთიერთობებია. და შემთხვევითი არ არის, რომ პრეზიდენტმა პეზეშქიანმა და პრემიერ-მინისტრმა ფაშინიანმა შეთანხმდნენ, რომ მიმდინარე წელს ჩვენს ურთიერთობებს ოფიციალურად ავიყვანთ სტრატეგიული პარტნიორობის დონეზე“, - აღნიშნა მირზოიანმა.

არარატ მირზოიანმა და მაჯიდ თახთ რავანჩიმ ასევე გაცვალეს მოსაზრებები რეგიონული ინფრასტრუქტურების განბლოკვასთან დაკავშირებულ საკითხებზე. სომხეთის რესპუბლიკის საგარეო საქმეთა მინისტრმა ხაზი გაუსვა სომხეთის მკაფიო პოზიციას, რომ ინფრასტრუქტურების განბლოკვა განხორციელდება ფუნდამენტური პრინციპების ფარგლებში. ასევე შეეხნენ ამ მიმართულებით შემუშავებულ პროგრამებსა და მათ მიერ შეთავაზებულ შესაძლებლობებს.