რუსეთი აზერბაიჯანის ტერიტორიის გავლით სომხეთში ხორბალს ტრანსპორტირებს

რუსეთი სარკინიგზო გზით აზერბაიჯანის ტერიტორიის გავლით სომხეთში ხორბალს ტრანსპორტირებს.

როგორც „არმენპრესი“ იუწყება, ამის შესახებ სომხეთის ეკონომიკის მინისტრმა გევორგ პაპოიანმა დაწერა საკუთარ ფესბუქის გვერდზე.

„ძვირფასო თანამემამულენო, მაქვს კიდევ ერთი სასიხარულო ამბავი რეგიონული განბლოკირების პროცესიდან. ამჟამად რუსეთის ფედერაციიდან რუსული წარმოშობის ხორბალი სარკინიგზო გზით გადის აზერბაიჯანის ტერიტორიით და მიემართება სომხეთისკენ.

გარდა ამისა, მინდა აღვნიშნო, რომ ყაზახური წარმოშობის ხორბალიც უკვე გზაშია და უახლოეს დღეებში ისიც სომხეთს მიაღწევს, კვლავ აზერბაიჯანის გავლით“, - დაწერა პაპოიანმა.

ადრე აზერბაიჯანის პრეზიდენტმა ილჰამ ალიევმა განაცხადა, რომ აზერბაიჯანმა გააუქმა ყველა შეზღუდვა თავისი ტერიტორიის გავლით სომხეთში ტვირთების ტრანზიტისთვის და აღნიშნა, რომ უახლოეს მომავალში ყაზახეთიდან ხორბლის პარტია სომხეთში სწორედ აზერბაიჯანის გავლით ჩაიტანენ.

რუსეთის ფედერაციის ვიცე-პრემიერმა ალექსეი ოვერჩუკმა, ალიევის განცხადებაზე კომენტირებისას, აღნიშნა, რომ „რუსეთის რკინიგზა“ განიხილავს ახალი ლოგისტიკური შესაძლებლობების გამოყენების პერსპექტივას.