1 წუთი კითხვის
სომხეთის რესპუბლიკის საგარეო საქმეთა მინისტრმა არარატ მირზოიანმა 24 სექტემბერს ნიუ-იორკში შეხვედრა გამართა მონღოლეთის საგარეო საქმეთა მინისტრთან ბატმუნხ ბატცეცეგთან.
„არმენპრესის“ ინფორმაციით, ამის შესახებ სომხეთის საგარეო საქმეთა სამინისტრომ გაავრცელა განცხადება.
მხარეებმა განიხილეს ორმხრივი ურთიერთობების გაფართოებისა და ურთიერთინტერესის სფეროებში კონკრეტული ინიციატივების განხორციელების შესაძლებლობები.
შეხვედრის დროს არარატ მირზოიანმა და ბატმუნხ ბატცეცეგმა ხელი მოაწერეს „მონღოლეთის მთავრობისა და სომხეთის რესპუბლიკის მთავრობის შორის დიპლომატიური და ოფიციალური პასპორტების მფლობელი პირებისთვის სავიზო მოთხოვნის გაუქმების შესახებ“ შეთანხმებაში ცვლილებების შეტანის ოქმს.
მინისტრმა მირზოიანმა ხაზი გაუსვა ორმხრივი საკანონმდებლო-სამართლებრივი ბაზის შემდგომი გაფართოების, დარგობრივი თანამშრომლობის პოტენციალის მაქსიმალურად რეალიზაციის მიმართულებით არსებულ მზაობასა და წინაპირობებს.
სომხეთისა და მონღოლეთის საგარეო საქმეთა მინისტრებმა აზრები გაცვალეს მრავალმხრივ პლატფორმებზე, მათ შორის, შანხაის თანამშრომლობის ორგანიზაციის ფარგლებში თანამშრომლობის საკითხებზე.