2 წუთი კითხვის
სომხეთის რესპუბლიკის პრემიერ-მინისტრმა ნიკოლ ფაშინიანმა განაცხადა, რომ 2018 წლის რევოლუციის შემდეგ სომხეთში სისტემური კორუფცია გაუქმებულია.
„არმენპრესის“ ინფორმაციით, ამის შესახებ პრემიერ-მინისტრმა დემოკრატიის სომხურ ფორუმის ფარგლებში თემაზე „დემოკრატიის ხარისხი სომხეთში: გამოწვევები და შეფასების ინდიკატორები“ გამართულ პანელურ დისკუსიაზე აღნიშნა.
„თუ სისტემური კორუფცია იქნებოდა, იმ ყველა კორუფციული შემთხვევებიდან, რაც თქვენ იცით, მე ჩემი წილი უნდა მქონოდა. მე ვერ გკითხავთ, მაქვს თუ არა წილი, რადგან ვიცი, მაქვს თუ არა. და მე გეუბნებით: არ არსებობს, არ ყოფილა და არ იქნება სისტემური კორუფცია სომხეთში“, – აღნიშნა პრემიერ-მინისტრმა.
ფაშინიანმა აღნიშნა, რომ მოქმედი ხელისუფლების მიერ კორუფციის წინააღმდეგ ბრძოლას ხშირად იყენებენ სწორედ ხელისუფლების წინააღმდეგ.
„სომხეთში არ ყოფილა ისეთი შემთხვევა, რომ მოქმედი მინისტრი ბრალდებულად ჩაერთოს, ან ქალაქმშენებლობის კომიტეტის მოქმედი თავმჯდომარე ქრთამის აღებისთვის დაკავდეს, სხვა მაღალი თანამდებობის პირებზე აღარაფერს ვამბობ“, – აღნიშნა სომხეთის პრემიერ-მინისტრმა.
ნიკოლ ფაშინიანმა ხაზი გაუსვა, რომ კორუფციული გამოვლინებები, სამწუხაროდ, არსებობს მსოფლიოს ყველა ქვეყანაში, თუმცა სომხეთში სისტემური კორუფცია გაუქმებულია.