1 წუთი კითხვის
პრეზიდენტის რეზიდენციაში სომხეთის რესპუბლიკის პრეზიდენტის ვაჰაგნ ხაჩატურიანისა და პრემიერ-მინისტრ ნიკოლ ფაშინიანის თანდასწრებით გაიმართა შრომისა და სოციალური საკითხების მინისტრის არსენ თოროსიანისა და გარემოს დაცვის მინისტრის ჰამბარცუმ მატევოსიანის ფიცის დადების ცერემონია․
„არმენპრესის“ ინფორმაციით, სომხეთის რესპუბლიკის პრემიერ-მინისტრის აპარატში აცხადებენ, რომ ახლადდანიშნულმა მინისტრებმა ფიცის ტექსტის წაკითხვისას აღნიშნეს:
„საერთონაციონალური მიზნების განხორციელებისა და სამშობლოს გაძლიერებისათვის ვფიცავ, რომ კეთილსინდისიერად შევასრულებ ხალხის წინაშე ჩემს ვალდებულებებს, დავიცავ სომხეთის რესპუბლიკის კონსტიტუციას და კანონებს, შევუწყობ ხელს სომხეთის რესპუბლიკის სუვერენიტეტისა და ინტერესების დაცვას, ერთგული დავრჩები მთავრობის წევრის მაღალი წოდებისადმი“.
ფიცის დადების ცერემონიის დასრულების შემდეგ ნიკოლ ფაშინიანმა და ვაჰაგნ ხაჩატურიანმა მინისტრებს მიულოცეს და ნაყოფიერი და შედეგიანი მუშაობა უსურვეს სახელმწიფოსა და ხალხის საკეთილდღეოდ.