2 წუთი კითხვის
2025 წლის 28 აგვისტოს მდგომარეობით, სომხეთის რესპუბლიკა კეთილდღეობის ისტორიულად უმაღლეს დონეზეა.
„არმენპრესის“ ცნობით, ამის შესახებ სომხეთის მთავრობის სხდომაზე განაცხადა სომხეთის რესპუბლიკის პრემიერ-მინისტრმა ნიკოლ ფაშინიანმა.
„2025 წლის 28 აგვისტოს მდგომარეობით, სომხეთის რესპუბლიკა კეთილდღეობის ისტორიულად უმაღლეს დონეზეა. ამას არ ვამბობ, როგორც რაღაც განსაკუთრებულს, რადგან ჩვენი განვითარების ლოგიკა ის არის, რომ ყოველი მომდევნო წლის ნებისმიერ პერიოდში კეთილდღეობის უმაღლეს დონეს უნდა მივაღწიოთ.
წინა პერიოდში, ბიუჯეტის შესრულების განხილვისას, შევადარე საშუალო ხელფასები და სამუშაო ადგილები და დავაფიქსირე, რომ სომხეთის მოქალაქეები 2018 წელთან შედარებით მინიმუმ 50%-ით უკეთ ცხოვრობენ. უნდა აღვნიშნო ისიც, რომ საზოგადოებრივი კეთილდღეობის მონაცემები ჩანს საბანკო სისტემის სტატისტიკაშიც. კერძოდ, სომხეთის რეზიდენტი მოქალაქეების საბანკო დეპოზიტები და ანგარიშები 2017 წელთან შედარებით 141%-ით გაიზარდა. ეს ძალიან კონკრეტული მაჩვენებელია, ეს თანხა რეალურად არსებობს და კონკრეტულ ადამიანებს ეკუთვნის. რა თქმა უნდა, სტატისტიკა უნდა განვავითაროთ, რომ ზუსტად ვიცოდეთ, ეს თანხები რამდენ პიროვნებას ეკუთვნის“, - განაცხადა ფაშინიანმა.
პრემიერმა დაამატა, რომ 2017 წელთან შედარებით, სომხეთის მოქალაქეებისთვის გაცემული სესხები 173%-ით გაიზარდა.
„შეიძლება გაჩნდეს აზრი, რომ ხალხი ვალებშია. სწორედ ამიტომ არის მნიშვნელოვანი სხვა მაჩვენებელი: არამუშავიანი სესხების კუთხით ისტორიულ მინიმუმზე ვართ. ამჟამად ჩვენი სესხების მხოლოდ 1.2% არის პრობლემური. ამ მთელ მოცულობაში მხოლოდ 1.2% სესხია პრობლემური“, - აღნიშნა მან.