სომხეთის რესპუბლიკის პრემიერ-მინისტრმა მიიღო შავი ზღვის ვაჭრობისა და განვითარების ბანკის მმართველთა საბჭოს შეხვედრის მონაწილეები

სომხეთის რესპუბლიკის პრემიერ-მინისტრმა ნიკოლ ფაშინიანმა მიიღო შავი ზღვის ვაჭრობისა და განვითარების ბანკის მმართველთა საბჭოს წლიური შეხვედრის მონაწილეები, ბანკის პრეზიდენტ სერჰათ კოკსალის ხელმძღვანელობით.

„არმენპრესის“ ინფორმაციით, პრემიერ-მინისტრის აპარატიდან აცხადებენ, რომ განხილვის თემას წარმოადგენდა შავი ზღვის ვაჭრობისა და განვითარების ბანკის მიერ სომხეთში განხორციელებული პროგრამები და სამომავლო ინიციატივები.

პრემიერმა მნიშვნელოვანი უწოდა სხვადასხვა სფეროში მოქმედი კერძო სექტორის დაფინანსებასა და ბიზნეს-პროექტების მხარდაჭერას.

სერჰათ კოკსალმა მადლობა გადაუხადა ერევანს შავი ზღვის ვაჭრობისა და განვითარების ბანკის მმართველთა საბჭოს წლიური შეხვედრის მასპინძლობისთვის, ხოლო თავის მხრივ, ნიკოლ ფაშინიანმა შეხვედრის მონაწილეებს ეფექტური მუშაობა უსურვა.