სომხეთის საგარეო საქმეთა მინისტრის მოადგილემ ოპეკ-ის პრეზიდენტთან თანამშრომლობის პერსპექტივები განიხილა

სომხეთის საგარეო საქმეთა მინისტრის მოადგილე რობერტ აბისოღომონიანი ვენაში შეხვდა ოპეკ-ის საერთაშორისო განვითარების ფონდის პრეზიდენტს აბდულჰამიდ ალხალიფას.

„არმენპრესის“ ინფორმაციით, ამის შესახებ განცხადება გაავრცელა სომხეთის საგარეო საქმეთა სამინისტრომ.

მხარეებმა მაღალი შეფასება მისცეს სომხეთსა და ფონდს შორის ჩამოყალიბებული თანამშრომლობის დონეს. განხილულ იქნა ფონდის მხარდაჭერით სომხეთში განხორციელებული პროგრამები და თანამშრომლობის პერსპექტივები, რომლებიც სომხეთის განვითარების დღის წესრიგს უკავშირდება.

შეხვედრაზე ასევე განიხილეს ბიომრავალფეროვნების შესახებ კონვენციის მხარეთა კონფერენციის (COP17) ორგანიზების მზადების საკითხები, რომელიც 2026 წელს ერევანში გაიმართება. სომხეთის საგარეო საქმეთა მინისტრის მოადგილემ წარადგინა COP17-ის ჩატარების სომხური ხედვა და განსაკუთრებული ყურადღება გაამახვილა გამჭვირვალობის უზრუნველყოფასა და ყველა დაინტერესებული მხარის ჩართულობის მნიშვნელობაზე.

მხარეებმა ასევე იმსჯელეს ფონდის შესაძლო მონაწილეობის საკითხებზე COP17-ის ფარგლებში.