სომხეთმა და გერმანიამ განიხილეს თანამშრომლობის გაღრმავება პოლიტიკური და ეკონომიკური სფეროებში

სომხეთის საგარეო საქმეთა სამინისტროს გენერალურმა მდივანმა დავით კარაპეტიანმა შეხვედრა გამართა გერმანიის საგარეო საქმეთა სამინისტროს გენერალური სამდივნოს ხელმძღვანელ პეერ გებაუერთან.

როგორც „არმენპრესი“ იუწყება სომხეთის საგარეო საქმეთა სამინისტროს მიერ გავრცელებულ ინფორმაციაზე დაყრდნობით, შეხვედრის დროს მხარეებმა განიხილეს სომხეთ-გერმანიის თანამშრომლობის დღის წესრიგი და იმსჯელეს ორმხრივი ინტერესის მრავალ საკითხზე. ხაზგასმით აღინიშნა თანამშრომლობის გაღრმავების მნიშვნელობა როგორც პოლიტიკური, ისე ეკონომიკური მიმართულებით.

მხარეებმა აღნიშნეს, რომ მაღალი დონის ასეთი კონტაქტები ხელს უწყობს ორ ქვეყნის საგარეო საქმეთა სამინისტროებს შორის პარტნიორული ურთიერთობების გაღრმავებას და ორმხრივი თანამშრომლობის ეფექტიანობის ზრდას.

განხილვის თემა იყო აგრეთვე მიმდინარე პროცესები სამხრეთ კავკასიაში და სომხეთ-ევროკავშირის პარტნიორობის შემდგომი განვითარების შესაძლებლობები. სომხეთის საგარეო საქმეთა სამინისტროს გენერალურმა მდივანმა დავით კარაპეტიანმა წარადგინა სომხეთ-აზერბაიჯანსა და სომხეთ-თურქეთს შორის ურთიერთობების დარეგულირების პროცესში არსებული ვითარება და დაადასტურა სომხური მხარის ხედვა მეზობლებთან ურთიერთობების მოგვარების საკითხში.