1 წუთი კითხვის
სომხეთის პრემიერ-მინისტრმა ნიკოლ ფაშინიანმა მიიღო მარსელის მერის, ბენუა პაიანის ხელმძღვანელობით ჩამოსული დელეგაცია.
„არმენპრესის“ ინფორმაციით, სომხეთის პრემიერ-მინისტრის აპარატი იუწყება, რომ ნიკოლ ფაშინიანმა მიესალმა მარსელის მერის ვიზიტს სომხეთში და ხაზი გაუსვა საფრანგეთთან მრავალმხრივი ურთიერთობების განვითარებას, მათ შორის ადგილობრივი თვითმმართველობის ორგანოებთან თანამშრომლობის ფორმატში. ამასთან, ნიკოლ ფაშინიანმა მაღალი შეფასება მისცა ბენუა პაიანის ქმედებებსა და პირად ძალისხმევას სომხეთთან ურთიერთობების გაღრმავების მიმართულებით.
მარსელის მერმა აღნიშნა, რომ ეწვია სომხეთს ერევანთან თანამშრომლობის გაღრმავებისა და გაფართოების მიზნით და აღნიშნა, რომ მისთვის დიდი მნიშვნელობა აქვს სომხეთთან მრავალმხრივი ურთიერთობების განვითარებას.
აღინიშნა, რომ ვიზიტის ფარგლებში განხილულ იქნა ერევანთან თანამშრომლობა ინფრასტრუქტურის, განათლების, ტურიზმის, კულტურის სფეროებში და ერთობლივი პროექტების განხორციელება, ასევე სხვადასხვა მიმართულებით გამოცდილების გაზიარების საკითხები.
შეხვედრაზე ასევე განხილულ იქნა ურთიერთობებისათვის საინტერესო სხვა საკითხებიც.