სომხეთის საგარეო ვაჭრობის ბრუნვა შემცირდა

2025 წლის პირველი კვარტალის განმავლობაში სომხეთის საგარეო ვაჭრობის ბრუნვა 54.2%-ით ნაკლებია, ვიდრე გასული წლის ანალოგიურ პერიოდში და შეადგენს 4 მლრდ 480.1 მლნ დოლარს.

„არმენპრესის“ ინფორმაციით, ამის შესახებ აღნიშნულია სომხეთის სტატისტიკის კომიტეტის მიერ გამოქვეყნებულ შეჯამებაში.

მარტში, თებერვალთან შედარებით, დაფიქსირდა 21.4%-იანი ზრდა, თუმცა 2024 წლის მარტთან შედარებით საგარეო ვაჭრობის ბრუნვა შემცირდა 31.8%-ით და შეადგინა 1 მლრდ 674.8 მლნ დოლარი․

თებერვალში, იანვართან შედარებით, მოცულობა შემცირდა 3.2%-ით, ხოლო წინა წლის თებერვალთან შედარებით 60.7%-ით და შეადგინა 1 მლრდ 379.8 მლნ დოლარი.

იანვარში, დეკემბერთან შედარებით, ვაჭრობის ბრუნვა შემცირდა 24.5%-ით, ხოლო წინა წლის იანვართან შედარებით 37.9%-ით. იანვარში ბრუნვამ შეადგინა 1 მლრდ 425.5 მლნ დოლარი.

ექსპორტი პირველ კვარტალში 61.8%-ით ნაკლებია წინა წლის ანალოგიურ პერიოდთან შედარებით და შეადგინა 1 მლრდ 699.8 მლნ დოლარი.

მარტში თვიური ზრდა იყო 20.2%, მაგრამ 2024 წლის მარტთან შედარებით ექსპორტი 65.4%-ით შემცირდა და შეადგინა 643.5 მლნ დოლარი.

თებერვალში, იანვართან შედარებით, ექსპორტი გაიზარდა 2.8%-ით, მაგრამ წინა წლის თებერვალთან შედარებით შემცირდა 67.3%-ით და შეადგინა 535.4 მლნ დოლარი.

იანვარში, დეკემბერთან შედარებით, ექსპორტი შემცირდა 31.2%-ით, ხოლო წინა წლის იანვართან შედარებით 45.2%-ით და შეადგინა 520.9 მლნ დოლარი.

იმპორტი პირველ კვარტალში 47.9%-ით ნაკლებია წინა წლის ანალოგიურ პერიოდთან შედარებით და შეადგინა 2 მლრდ 780.3 მლნ დოლარი.

მარტში, თებერვალთან შედარებით, ზრდა იყო 22.1%, ხოლო წინა წლის მარტთან შედარებით შემცირდა 51.2%-ით და შეადგინა 1 მლრდ 31.3 მლნ დოლარი.

თებერვალში, იანვართან შედარებით, იმპორტის მოცულობა შემცირდა 6.7%-ით, ხოლო წინა წლის თებერვალთან შედარებით 55%-ით და შეადგინა 844.4 მლნ დოლარი.

იანვარში, დეკემბერთან შედარებით, იმპორტის მოცულობა შემცირდა 20.1%-ით, ხოლო წინა წლის იანვართან შედარებით 32.8%-ით და შეადგინა 904.6 მლნ დოლარი.