სომხეთის რესპუბლიკის თავდაცვის მინისტრმა და ავსტრიის ელჩმა თანამშრომლობის საკითხები განიხილეს

სომხეთის თავდაცვის მინისტრმა სურენ პაპიკიანმა 23 აპრილს მიიღო სომხეთში ავსტრიის საგანგებო და სრულუფლებიანი ელჩი რობერტ გერშნერი.

თავდაცვის მინისტრმა მიულოცა ელჩს თანამდებობის დაკავება და წარმატება უსურვა სომხეთსა და ავსტრიას შორის თანამშრომლობის განვითარების საქმეში.

„არმენპრესის“ ინფორმაციით, სომხეთის თავდაცვის სამინისტროში აღნიშნავენ, რომ შეხვედრისას განიხილეს სომხეთსა და ავსტრიას შორის თავდაცვის სფეროში თანამშრომლობის მიმდინარე პროცესები და პერსპექტივები, ასევე რეგიონულ და საერთაშორისო უსაფრთხოებასთან დაკავშირებული საკითხები.