1 წუთი კითხვის
ანტალიაში დაიწყო სომხეთის საგარეო საქმეთა მინისტრ არარატ მირზოიანის და თურქეთის საგარეო საქმეთა მინისტრ ჰაქან ფიდანის შეხვედრა.
როგორც „არმენპრესი“ იტყობინება, ამის შესახებ სომხეთის საგარეო საქმეთა მინისტრის პრესსპიკერმა ანი ბადალიანმა განაცხადა.
არარატ მირზოიანი თურქეთში მონაწილეობს ანტალიის დიპლომატიურ ფორუმში. სომხეთის საგარეო საქმეთა მინისტრმა 12 აპრილს ფორუმის ფარგლებში შეხვედრა გამართა აზერბაიჯანის საგარეო საქმეთა მინისტრ ჯეიჰუნ ბაირამოვთან. არარატ მირზოიანმა ასევე მონაწილეობა მიიღო ფორუმის ფარგლებში გამართულ პანელურ დისკუსიაში საქართველოსა და აზერბაიჯანის საგარეო საქმეთა მინისტრებთან ერთად.