ერევანმა უარყო ბაქოს მორიგი ყალბი ბრალდებები საზღვარზე სროლის შესახებ

აზერბაიჯანის თავდაცვის სამინისტროს განცხადება, თითქოსდა 31 მარტის 17:00 საათიდან 1 აპრილის 04:45 საათამდე სომხეთის შეიარაღებულმა ძალებმა ცეცხლი გაუხსნეს საზღვრის აღმოსავლეთ და სამხრეთ-აღმოსავლეთ მონაკვეთებზე განთავსებულ აზერბაიჯანულ პოზიციებს, არ შეესაბამება სინამდვილეს.

როგორც „არმენპრესი“ იტყობინება, ამის შესახებ განცხადება გაავრცელა სომხეთის თავდაცვის სამინისტრომ.

სომხეთის თავდაცვის სამინისტრო კიდევ ერთხელ შეახსენებს, რომ სომხეთის პრემიერ-მინისტრის აპარატმა აზერბაიჯანს შესთავაზა ცეცხლის შეწყვეტის დარღვევის შემთხვევებისა და/ან მსგავსი ინფორმაციის გამოძიების მიზნით სომხეთ-აზერბაიჯანის ერთობლივი მექანიზმის შექმნა, რაზეც ბაქოს ჯერ პასუხი არ გაუცია.

თავდაცვის სამინისტრო ადასტურებს, რომ პრემიერ-მინისტრის აპარატის პოზიციის შესაბამისად, სომხეთი მზადაა გამოიძიოს აზერბაიჯანის თავდაცვის სამინისტროს განცხადების დამადასტურებელი ფაქტები, თუკი ისინი გადაეცემა ოფიციალურ ერევანს.

აზერბაიჯანი, რომელიც რეგულარულად ცრუ ბრალდებებს უყენებს სომხეთს საზღვარზე სროლების თაობაზე, თავად გახსნა ცეცხლი 31 მარტს სიუნიქის რეგიონის ხნაძახის სოფლის მიმართულებით, რის შესახებაც სომხეთის თავდაცვის სამინისტრომ უკვე წარმოადგინა დოკუმენტირებული მტკიცებულებები.