სომხეთის რესპუბლიკის პრეზიდენტს თავისი რწმუნებათა სიგელები გადასცა სომხეთში ანგოლის ახლად დანიშნულმა ელჩმა
1 წუთი კითხვის
სომხეთის რესპუბლიკის პრეზიდენტ ვაჰაგნ ხაჩატურიანს თავისი რწმუნებათა სიგელები გადასცა სომხეთში ანგოლის რესპუბლიკის საგანგებო და სრულუფლებიანმა ელჩმა აუგუსტო და სილვა კუნიამ.
როგორც „არმენპრესი“ პრეზიდენტის აპარატის გავრცელებულ ინფორმაციაზე დაყრდნობით იუწყება, ვაჰაგნ ხაჩატურიანმა მიულოცა ელჩს დანიშვნა და უსურვა წარმატებული საქმიანობა ორი ქვეყნის კეთილდღეობისა და განვითარებისათვის.
ანგოლის ახლად დანიშნულმა ელჩმა მადლობა გადაუხადა მიღებისთვის და თბილი სურვილებისთვის.
შეხვედრის ფარგლებში განიხილეს ორმხრივი ინტერესის სფეროებში თანამშრომლობის პერსპექტივები.
საუბრისას მხარეებმა ხაზი გაუსვეს რეგიონში გრძელვადიანი მშვიდობის დამყარების მნიშვნელობას, რაც სტაბილური განვითარების გარანტი იქნება.
განსაკუთრებული ყურადღება დაეთმო ორ ქვეყანას შორის ბიზნესკავშირების ჩამოყალიბების მიზნით ერთობლივი ძალისხმევის აუცილებლობას.
