1 წუთი კითხვის
სომხეთის პრემიერ-მინისტრმა ნიკოლ ფაშინიანმა სომხეთში იტალიის რესპუბლიკის ახალდანიშნული ელჩი ალესანდრო ფერრანტი მიიღო.
როგორც „არმენპრესი“ პრემიერ-მინისტრის აპარატის მიერ გავრცელებულ განცხადებაზე დაყრდნობით იუწყება, ნიკოლ ფაშინიანმა მიულოცა ელჩს თანამდებობის დაკავება და წარმატება უსურვა სომხეთ-იტალიის ურთიერთობების თანმიმდევრული განვითარებისთვის.
ალესანდრო ფერრანტიმ აღნიშნა, რომ გააკეთებს ყველაფერს, რათა ორმხრივი კავშირები ახალ იმპულსს მიიღოს.
მხარეებმა ხაზი გაუსვეს სავაჭრო-ეკონომიკური თანამშრომლობის გაფართოებისა და ტურიზმისა და სხვა სფეროებში ურთიერთქმედების განვითარებას.