2024 წელს საქართველო-სომხეთის ურთიერთობებმა ხელშესახები პროგრესი განიცადა։ არარატ მირზოიანი
2 წუთი კითხვის
2024 წელს საქართველო-სომხეთის ურთიერთობებმა ხელშესახები პროგრესი განიცადა.
როგორც „არმენპრესი“ იუწყება, ამის შესახებ ერევანში გამართულ პრესკონფერენციაზე სომხეთის საგარეო საქმეთა მინისტრმა არარატ მირზოიანმა განაცხადა.
„ჩვენ ხელი მოვაწერეთ სტრატეგიული პარტნიორობის დოკუმენტს და 2024 წელს ოფიციალურად გავხდით სტრატეგიული პარტნიორები. რა თქმა უნდა, უნდა ვაღიაროთ, რომ ჩვენი ურთიერთობები, როგორც ორ ქვეყანას შორის, ისე ორ ხალხს შორის, საუკუნეების განმავლობაში ატარებდა სტრატეგიული პარტნიორობის ხასიათს, მაგრამ ეს ახალი დოკუმენტი ქმნის ახალ შესაძლებლობებს ორი ქვეყნისთვის პოლიტიკურ, ეკონომიკურ, საგანმანათლებლო, სამეცნიერო და ჰუმანიტარულ სფეროებში“, – განაცხადა მირზოიანმა.
მისი თქმით, შეხვედრაზე შეაჯამეს გასული წლის მიღწევები და დასახეს სამომავლო გეგმები.
მირზოიანმა აღნიშნა, რომ საქართველოსა და სომხეთს შორის არსებობს ეფექტიანი პოლიტიკური დიალოგი სხვადასხვა დონეზე, ასევე სტაბილური და შედეგიანი თანამშრომლობა ორი ქვეყნის საგარეო საქმეთა სამინისტროებს შორის.
მან ასევე განაცხადა, რომ შეხვედრაზე განიხილეს რეგიონული თანამშრომლობისა და სატრანზიტო გადაზიდვების საკითხები.
„არ შეგვიძლია არ აღვნიშნოთ ის უზარმაზარი პოტენციალი, რომელიც გააჩნია სამხრეთ კავკასიას, მათ შორის სომხეთს და საქართველოს. რა თქმა უნდა, როდესაც სამხრეთ კავკასიის სატრანზიტო შესაძლებლობებზე ვსაუბრობთ, უნდა აღვნიშნოთ აზერბაიჯანიც“, – განაცხადა მირზოიანმა.