1 წუთი კითხვის
სომხეთის საგარეო საქმეთა მინისტრის მოადგილე ვაჰან კოსტანიანი 27 იანვარს დამასკოში შეხვდა სირიის არაბთა რესპუბლიკის საგარეო საქმეთა მინისტრ ასად ალ-შაიბანის.
როგორც „არმენპრესი“ სომხეთის საგარეო საქმეთა სამინისტროს ინფორმაციაზე დაყრდნობით იტყობინება, შეხვედრაზე მინისტრის მოადგილემ მადლობა გადაუხადა სითბოთი მიღებისთვის და სომხეთის მთავრობის მზადყოფნა გამოხატა ორმხრივი ურთიერთობების განვითარებისთვის სირიულ მხარესთან. მხარეებმა იდეები გაცვალეს თანამშრომლობის შესაძლო მიმართულებებზე.
ვაჰან კოსტანიანმა კიდევ ერთხელ დაადასტურა სომხეთის მზადყოფნა, მხარი დაუჭიროს ჰუმანიტარული და რეფორმების განხორციელების სფეროებში, ასევე სირიაში პრიორიტეტულად მიჩნეულ სხვა პროგრამებს.
ორივე მხარემ ხაზი გაუსვა სომხეთსა და სირიას შორის არსებულ ისტორიულ მტკიცე კავშირებს. ამ კონტექსტში მხარდაჭერა გამოთქვეს სირიაში შეთანხმებისა და ინკლუზიურობის მიღწევისკენ მიმართულ ძალისხმევას.
მხარეებმა რეგიონულ განვითარებებზე ისაუბრეს და ხაზი გაუსვეს მეზობლებთან ურთიერთობების დარეგულირების მნიშვნელობას.
სირიულმა მხარემ დადებითად შეაფასა სომხეთის დელეგაციის ვიზიტი დამასკოში. მიღწეულია შეთანხმება კონტაქტების გაგრძელებაზე.