1 წუთი კითხვის
ერევანი, 25 ნოემბერი, არმენპრესი. პოლონეთის რესპუბლიკის პრეზიდენტი ანჯეი დუდა 25-27 ნოემბერს ოფიციალური ვიზიტით სომხეთში ჩავა.
„არმენპრესის“ ინფორმაციით, ამის შესახებ პოლონეთის პრეზიდენტის ოფიციალური ვებ-გვერდი იუწყება და აღნიშნავს, რომ ვიზიტის ფარგლებში ანჯეი დუდას თან ახლავს მისი მეუღლე, აგატა კორნჰაუზერ-დუდა.
ვიზიტის ფარგლებში პოლონეთის პრეზიდენტი პირისპირ შეხვედრას გამართავს სომხეთის პრეზიდენტ ვაჰაგნ ხაჩატურიანთან, რასაც მოჰყვება დელეგაციების გაფართოებული შეხვედრები.
გავრცელებული ინფორმაციით, ოფიციალური ვიზიტის ფარგლებში ორი ქვეყნის პრეზიდენტები შეხვდებიან მედიის წარმომადგენლებს.
„პოლონეთის პრეზიდენტი შეხვედრას გამართავს ასევე სომხეთის პრემიერ-მინისტრ ნიკოლ ფაშინიანთან და ეროვნული ასამბლეის თავმჯდომარე ალენ სიმონიანთან“, - აღნიშნულია პოლონეთის პრეზიდენტის ოფიციალურ ვებგვერდზე.
ასევე იუწყებიან, რომ 26 ნოემბერს პოლონეთის პრეზიდენტი ეწვევა წიწერნაკაბერდს და პატივს მიაგებს სომხთა გენოციდის უდანაშაულო მსხვერპლთა ხსოვნას.
პოლონეთის პრეზიდენტის ხელმძღვანელობით დელეგაცია 27 ნოემბერს ეწვევა იერასხის თემს და მონაწილეობას მიიღებს ევროკავშირის სადამკვირვებლო მისიის წარმომადგენლებთან ერთობლივ პატრულირებაში.