აზერბაიჯანს ჯერ არ უპასუხა სომხეთის წინადადებას ორმხრივი გამოძიების მექანიზმის შექმნის შესახებ: უშიშროების საბჭოს მდივანი

ერევანი, 26 ივნისი, არმენპრესი. სომხეთს აწუხებს აზერბაიჯანის თავდაცვის სამინისტროს მიერ გავრცელებული ცრუ ინფორმაციები, თითქოსდა სომხეთი არღვევს ცეცხლის შეწყვეტის რეჟიმს. „არმენპრესის“ ცნობით, ამის შესახებ ჟურნალისტებთან ბრიფინგზე განაცხადა უშიშროების საბჭოს მდივანმა არმენ გრიგორიანმა.

„სომხეთს აწუხებს ასეთი განცხადებები, რადგან ცალსახად, სომხეთის მხრიდან არ ყოფილა არანაირი ქმედება ესკალაციისკენ და და არც გასროლა ყოფილა. გვაწუხებს, რომ ასეთი ცრუ ინფორმაციები ვრცელდება, მაგრამ პრობლემის გადასაჭრელად აზერბაიჯანს საჯაროდ შევთავაზეთ, რომ ერთობლივი გამოძიების მექანიზმი შევქმნათ უწყებებს შორის. ეს შეიძლება იყოს საგამოძიებო ან სხვა ორგანო, რომელიც გამოძიებას ჩაატარებს და საბოლოო დასკვნამდე მივა, ჩვენ და საერთაშორისო საზოგადოება საიმედო მონაცემებს მივიღებთ და გავიგებთ, მსგავსი შემთხვევები იყო თუ არა“, - აღნიშნა გრიგორიანმა, ხაზი გაუსვა, რომ სომხეთი დარწმუნებულია, რომ ასეთი შემთხვევები არ ყოფილა, მაგრამ თუ აზერბაიჯანული მხარე ამას ამტკიცებს,  მაშინ სომხური მხარე მზად არის ასეთი საკითხების გამოძიებისთვის.

კითხვაზე, თუ აზერბაიჯანმა უპასუხა სომხეთის წინადადებას, გრიგორიანმა უპასუხა, რომ ჯერ პასუხი არ ყოფილა.

ასევე, ის შეეხო საკითხს, თუ წინადადება ეწინააღმდეგება თუ არა სომხეთში განთავსებულ ევროკავშირის დამკვირვებლების მისიას, გრიგორიანმა დაარწმუნა, რომ არანაირი წინააღმდეგობა არ არსებობს.

„ევროკავშირის სადამკვირვებლო მისია სომხეთში სომხეთის მოწვევით არის, მათ არ აქვთ გამოძიების უფლებამოსილება, ისინი მონიტორინგს ახორციელებენ და საჯაროდ გამოდიან განცხადებებით, ანგარიშებით ან სხვა ფორმებით აცნობებენ. ჩვენი შემოთავაზებული გამოძიების ორმხრივი მექანიზმი განსხვავებულია, ასევე ნდობის თვალსაზრისით ძალიან მნიშვნელოვანია“, - დაასკვნა გრიგორიანმა.