სომხეთის შეიარაღებული ძალების ქვედანაყოფები ცეცხლი არ გაუხსნიათ აზერბაიჯანული პოზიციების მიმართულებით։ ერევანი უარყოფს ბაქოს ბრალდებებს

ერევანი, 13 ივნისი, არმენპრესი: სომხეთის თავდაცვის სამინისტრომ უარყო აზერბაიჯანის თავდაცვის სამინისტროს მიერ გავრცელებული ინფორმაცია, თითქოს სომხური შეიარაღებული ძალების ქვედანაყოფებმა ცეცხლი გაუხსნეს საზღვრის სამხრეთ-დასავლეთ სექტორში განლაგებულ აზერბაიჯანულ პოზიციებს.

„არმენპრესის“ ცნობით, ამის შესახებ ინფორმაციას სომხეთის რესპუბლიკის თავდაცვის სამინისტრო ავრცელებს․ 

„აზერბაიჯანის თავდაცვის სამინისტროს განცხადება, რომ 12 ივნისს, 10:05-დან 17:50-მდე სომხეთის შეიარაღებული ძალების ქვედანაყოფებმა ცეცხლი გაუხსნეს საზღვრის სამხრეთ-დასავლეთ სექტორში განლაგებულ აზერბაიჯანულ პოზიციებს, არ შეესაბამება სინამდვილეს,“ ნათქვამია განცხადებაში.