ქართველი მწერალი დავით მაღრაძე ერევანში სტუდენტებს შეხვდა

ერევანი, 6 ივნისი, არმენპრესი․ სომხურ-ქართული კულტურული კავშირების გამყარების მნიშვნელობის გათვალისწინებით, სომხეთში საქართველოს საელჩომ ერევანში მიიწვია ქართველი მწერალი და პოლიტიკოსი დავით მაღრაძე.

6 ივნისს ის შეხვდა ქართველ ენას შემსწავლელ სომეხ სტუდენტებს, რომლებიც სწავლობენ სხვადასხვა სასწავლო დაწესებულებაში, წაუკითხა თავისი ნაწარმოებები და ისაუბრა ლიტერატურის როლსა და მნიშვნელობაზე.

„არმენპრესის“ კორესპონდენტთან საუბარში მაღრაძემ თქვა, რომ ძალიან ბედნიერია სომხეთში, დედაქალაქ ერევანში ყოფნით, სადაც დიდი ხანია არ ყოფილა. „ცნობილმა იტალიელმა პროზაიკოსმა ტონინო გუერამ განსაკუთრებული შთაბეჭდილება მოახდინა სომხეთიდან, აღნიშნა, რომ სომხეთში სასულიერო პირებმა თავიანთი ლოცვებით გაალღეს კლდეები და ასე ააშენეს მონასტრები. ეს სიტყვები ჩემზე დიდი შთაბეჭდილება მოახდინა. ასევე სომხეთის ისტორიაც“- აღნიშნა მწერალმა.

მან ხუმრობით თქვა, რომ წერას დაიწყო იმ დროს, როდესაც ჯერ კიდევ წერა არ იცოდა. „ღმერთმა შექმნა ადამიანი, ადამიანმა შექმნა მოქალაქე, ხოლო წერას მისი მისიაა ამ მოქალაქეში ადამიანის პოვნა. ვფიქრობ, რომ მოქალაქეში უნდა გადავარჩინოთ ადამიანი, ისევე როგორც წამში უნდა გადავარჩინოთ მარადიულობა,“ - აღნიშნა მაღრაძემ.

მწერლის შემოქმედებაში სხვადასხვა თემები იწვევენ, მაგრამ დიდ ადგილს იკავებს სამშობლო. მაღრაძის თქმით, თუ ერთი სიტყვით ვცდილობ ვთქვა, რა არის სამშობლო, ეს ნიშნავს, რომ არაფერი არ მითქვამს. „სამშობლოზე უნდა ვისაუბროთ და ავღწეროთ იგი ცხოვრებით, განვლილი გზით,“ - ხაზი გაუსვა დავით მაღრაძემ.

მწერალი დიდ მნიშვნელობას ანიჭებს შეხვედრას სომეხ ახალგაზრდებთან. ის ხშირად ევროპასა და აშშ-შია, მაგრამ კავკასია განსაკუთრებულია, რადგან ის სრულიად სხვა ემოციებს იწვევს. „როდესაც აქ ჩამოვედი და ვნახე არარატის მთა, თავი ნოე მეგონა,“ - თქვა მწერალმა და მადლობა გადაუხადა ღონისძიებაში მონაწილეობისათვის სომხურად.

დავით მაღრაძე დაიბადა 1962 წელს თბილისში. არის ფილოლოგი, ასწავლის თბილისის სახელმწიფო უნივერსიტეტში. თავისი პირველი ნაწარმოებები დავით მაღრაძემ 1980-იან წლებში გამოაქვეყნა. რამდენიმე წლის განმავლობაში რედაქტორობდა ქართულ ლიტერატურულ ჟურნალს „ცისკარი“. იყო საქართველოს კულტურის მინისტრი, პარლამენტის დეპუტატი ედუარდ შევარდნაძის მმართველობის წლებში, მხარს უჭერდა ვარდების რევოლუციას, მონაწილეობდა 2009 წლის საპროტესტო აქციების ორგანიზებაში, როდესაც მოითხოვდნენ პრეზიდენტ მიხეილ სააკაშვილის გადადგომას. ხელმძღვანელობდა ქართულ პენ კლუბს, რომლის ერთ-ერთი დამფუძნებელია. დაჯილდოებულია ქართული და საერთაშორისო რამდენიმე ლიტერატურული პრემიით. 2023 წელს მადრიდის სერვანტესის ინსტიტუტმა დავით მაღრაძე დააჯილდოვა სერვანტესის ინსტიტუტის „მოწონების მედლით“. ის არის საქართველოს ჰიმნის ტექსტის ავტორი.