ერევნის მერმა თბილისის საკრებულოს დელეგაციას უმასპინძლა

ერევნის მერმა ტიგრან ავინიანმა თბილისის საკრებულოს თავმჯდომარის მოადგილის, ლევან ჯაფარიძის ხელმძღვანელობით დელეგაციას უმასპინძლა.

როგორც „არმენპრესი“ მერიის მიერ გავრცელებულ განცხადებაზე დაყრდნობით იტყობინება, შეხვედრის განმავლობაში განიხილეს ერევნისა და თბილისის საქალაქო საკანონმდებლო ორგანოებს შორის კავშირების გააქტიურების გზები, რაც თავის მხრივ ხელს შეუწყობს ურთიერთქმედების გაფართოებას.

ორ დედაქალაქს შორის სხვადასხვა სფეროში ჩამოყალიბებულ ეფექტურ თანამშრომლობაზე საუბრისას, ტიგრან ავინიანმა აღნიშნა, რომ ერევანი დიდ მნიშვნელობას ანიჭებს თბილისთან ურთიერთობების განვითარებას.