პრემიერ-მინისტრი ხიდების მშენებლობის სფეროში საერთაშორისო პარტნიორების მხარდაჭერას ელის

ერევანი, 30 მაისი, არმენპრესი. სომხეთის რესპუბლიკის პრემიერ-მინისტრი ნიკოლ ფაშინიანი ლორისა და ტავუშის რეგიონებში წყალდიდობით დანგრეული ხიდების აღდგენისა და ახალი ხიდების მშენებლობის საკითხში საერთაშორისო პარტნიორების მხარდაჭერას იმედოვნებს.

„ძალიან მნიშვნელოვანია, რომ მივიღეთ საერთაშორისო პარტნიორებისგან მხარდაჭერის მზადყოფნის შეტყობინებები. ვფიქრობ, განსაკუთრებით ხიდების მშენებლობის სფეროში, ჩვენ უნდა ვთხოვოთ ჩვენს პარტნიორებს კონკრეტული მხარდაჭერა“, - როგორც „არმენპრესი“იუწყება, ამის შესახებ მთავრობის სხდომაზე პრემიერ-მინისტრმა ნიკოლ ფაშინიანმა განაცხადა.

საგარეო საქმეთა მინისტრმა არარატ მირზოიანმა განაცხადა, რომ არსებობს რიგი საერთაშორისო მექანიზმები, რომელთა ამოქმედებაც შესაძლებელია ასეთ გარემოებებში და არიან საერთაშორისო პარტნიორები, რომლებმაც მზადყოფნა გამოხატეს მხარი დაუჭირონ ამა თუ იმ საკითხში.

„არსებობს პარტნიორები, რომლებიც შეუძლიათ დაგვეხმარონ მოდულური ხიდების საკითხში. ამ ეტაპზე ჩვენ რაც შეიძლება სწრაფად უნდა გავიგოთ, კონკრეტულად რას ველით საერთაშორისო პარტნიორებისგან. ამ საკითხში ჩვენ იმედებს ვამყარებთ ტერიტორიული მართვისა და ინფრასტრუქტურის სამინისტროზე. როდესაც ჩვენ გვექნება სრული და ნათელი (წარმოდგენა) ხიდების რაოდენობისა და მათი ტიპების შესახებ, ჩვენ შევძლებთ მივმართოთ“, - დაასრულა მირზოიანმა.