ვაჰაგნ ხაჩატურიანი ატომური ენერგიის საერთაშორისო სააგენტოს გენერალურ დირექტორს შეხვდა

ერევანი, 17 იანვარი, არმენპრესი. დავოსის ეკონომიკური ფორუმის ფარგლებში, სომხეთის რესპუბლიკის პრეზიდენტი ვაჰაგნ ხაჩატურიანი ატომური ენერგიის საერთაშორისო სააგენტოს გენერალურ დირექტორს რაფაელ მარიანო გროსის შეხვდა.

„არმენპრესის“ ცნობით, ამის შესახებ ინფორმაციას სომხეთსი რესპუბლიკის პრეზიდენტის აპარატი ავრცელებს.

პრეზიდენტმა ხაჩატურიანმა განსაკუთრებით ხაზი გაუსვა სომხეთის მთავრობასა და აესს-ს შორის გრძელვადიანი და ეფექტური თანამშრომლობის მნიშვნელობას, რაც აუცილებელია სომხეთის ენერგეტიკული უსაფრთხოების უზრუნველსაყოფად.

მოხდა აზრთა გაცვლა სომხეთში ბირთვული ენერგიის, როგორც „მწვანე“ ენერგეტიკის სფეროს შემდგომ განვითარებაზე. აესს-ს გენერალურმა დირექტორმა ხაზგასმით აღნიშნა, რომ სომხეთს ყოველთვის შეუძლია სააგენტოს დახმარების იმედი ჰქონდეს.

შეხვედრის დასასრულს მიღწეულ იქნა შეთანხმება მჭიდრო თანამშრომლობის გაგრძელების შესახებ, განსაკუთრებით საექსპერტო რჩევებისა და ყოვლისმომცველი დახმარების გაწევის გზით.