368.45
1 րոպեի ընթերցում
Հայաստանի վարչապետ Նիկոլ Փաշինյանն աշխատանքային այցով ժամանել է Ռուսաստանի Սանկտ Պետերբուրգ քաղաք։
«Արմենպրես»-ի փոխանցմամբ՝ ՀՀ վարչապետն այդ մասին գրել է «Ֆեյսբուք»-ի իր էջում՝ հրապարակելով նաև տեսանյութ։
Վարչապետին Սանկտ Պետերբուրգի «Պուլկովո» օդանավակայանում
դիմավորել են Լենինգրադի շրջանի նահանգապետի տեղակալ Յարոսլավ
Սեռովը և Սանկտ Պետերբուրգի փոխնահանգապետ Բորիս Պյոտրովսկին:
Հիշեցնենք, որ Նիկոլ Փաշինյանը Սանկտ Պետերբուրգում դեկտեմբերի 21-ին կմասնակցի Եվրասիական տնտեսական միության բարձրագույն խորհրդի նիստին, իսկ դեկտեմբերի 22-ին՝ ԱՊՀ երկրների ղեկավարների ոչ ֆորմալ հանդիպմանը։
ՌԴ նախագահի մամուլի քարտուղար Դմիտրի Պեսկովը հայտնել է, որ ՌԴ նախագահ Վլադիմիր Պուտինն առանձին շփում կունենա ՀՀ վարչապետ Նիկոլ Փաշինյանի հետ։