1 րոպեի ընթերցում
ԵՐԵՎԱՆ, 16 ԴԵԿՏԵՄԲԵՐԻ, ԱՐՄԵՆՊՐԵՍ: Հայաստանում 2020 թվականին, հնարավոր է, իր աշխատանքները սկսի հայկական նոր ավիաընկերություն: «Արմենպրես»-ի հաղորդմամբ, լրագրողների հետ ճեպազրույցում ՀՀ քաղաքացիական ավիացիայի կոմիտեի նախագահ Տաթևիկ Ռևազյանը նշեց, որ մեկ ընկերություն դիմել է, և ներկայում ուսումնասիրվում են փաստաթղթերը:
«Տեսնենք, եթե համապատասխանում են անհրաժեշտ պահանջներին ու ամեն ինչ նորմալ ընթանա, ապա մյուս տարվա ընթացքում մենք կունենանք տեղական փոխադրող»,-ասաց Ռևազյանը:
Այս պահի դրությամբ Ռևազյանն ավելի տեղեկություններ չկարողացավ հաղորդել, քանի որ մասնագետները դեռ ուսումնասիրում են փաստաթղթերը: