1 րոպեի ընթերցում
ԵՐԵՎԱՆ, 28 ՆՈՅԵՄԲԵՐԻ, ԱՐՄԵՆՊՐԵՍ։ Հայաստանում տնտեսական հեղափոխությունը արդեն տեղի ունեցել է։ Ընդդիմադիրները անտեսում են այն կարևոր փոփոխությունները, որոնք Հայաստանի իրականության մաս են կազմում։
«Արմենպրես»-ի հաղորդմամբ՝ Կառավարության նիստից հետո լրագրողների հետ ճեպազրույցում այս կարծիքը հայտնեց Էկոնոմիկայի նախարար Տիգրան Խաչատրյանը։
«Ընդդիմադիրները, ովքեր պնդում են, որ հնարավոր չէ, իրենց թվում է, որ դա մի բան է, որ պետք է տեղի ունենա ապագայում, և անտեսում են այն կարևոր փոփոխությունները, որոնք մեր իրականության մի մասն են։ Արհեստական մենաշնորհներ չկան, եւ չեն կարող լինել, կոռուպցիա չկա և չի կարող լինել, հավասար մրցակցային պայմաններում բոլորն ազատ են իրենց գաղափարներն իրագործելու։ Սա այն հեղափոխական փոփոխություն է, որը մեր տնտեսական կյանքի մի մասն է»,- ընդգծեց Խաչատրյանը: