ԵՐԵՎԱՆ, 27 ՆՈՅԵՄԲԵՐԻ, ԱՐՄԵՆՊՐԵՍ: ԱՄՆ-ի պետքարտուղար Մայքլ Փոմպեոն նոյեմբերի 26-ին հայտարարել Է, որ Միացյալ Նահանգները շուրջ 20 հազար հաղորդում Է ստացել Իրանի իշխանությունների կողմից ցույցերի ճնշման դեպքերի եւ մարդու իրավունքների այլ խախտումների ապացույցներով, տեղեկացնում Է «Արմենպրես»-ը:
«Անցյալ շաբաթ ես Իրանի արիակամ ժողովրդին խնդրեցի մեզ ուղարկել Իրանում բողոքների ընթացքում վարչակարգի բռնի գործողությունների ապացույցներ: Այս պահին մենք ստացել ենք շուրջ 20 հազար հաղորդում: ԱՄՆ-ն արդեն միջոցներ Է ձեռնարկել Իրանի ապատեղակատվության նախարարի դեմ: Առջեւում նոր պատժամիջոցներ են»,- գրել Է Փոմպեոն Twitter-ի իր Էջում:
ԱՄՆ-ի ֆինանսների նախարարությունը նոյեմբերի 22-ին հայտարարել Է իր պատժամիջոցների ցուցակում Իրանի տեղեկատվական-հաղորդակցական տեխնոլոգիաների նախարար Մոհամադ Ջավադ Ազարի Ջահրոմիին ներառելու մասին՝ նրան մեղադրելով Իրանի քաղաքացիների համար Համացանց մուտքի սահմանափակմանը մասնակից լինելու մեջ, հաղորդել Է ՏԱՍՍ գործակալությունը: