388.23
Բաղդադում բողոքների ընթացքում գրեթե 50 մարդ Է տուժել
1 րոպեի ընթերցում
ԵՐԵՎԱՆ, 14 ՆՈՅԵՄԲԵՐԻ, ԱՐՄԵՆՊՐԵՍ: Իրաքի մայրաքաղաք Բաղդադում նոյեմբերի 14-ին առնվազեն 47 մարդ Է տուժել արցունքաբեր գազով շնչահեղձությունից: Այդ մասին, ինչպես տեղեկացնում Է «Արմենպրես»-ը, հայտնել Է Al-Sumaria տեղական հեռուստաալիքը՝ վկայակոչելով անվտանգության ուժերի մի աղբյուր:
Աղբյուրի տվյալներով՝ իրավակարգի ուժերն արցունքաբեր գազ են կիրառել Բաղդադի կենտրոնի ալ Հիլյանի հրապարակում: Նաեւ Իրաքի Մարդու իրավունքների հանձնաժողովի մի աղբյուր ՌԻԱ Նովոստիին հայտնել Է, որ «այսօր (նոյեմբերի 14-ի – խմբ.) առավոտյան երկու ցուցարար Է զոհվել Թահրիր հրապարակից (Բաղդադում – խմբ.) ոչ հեռու:
Ըստ որում նա հավելել Է, որ նրանց մահվան պատճառներն այս պահին պարզված չեն: Թահրիր եւ ալ Հիլյանի հրապարակները գտնվում են միմյանցից ոչ հեռու:
Ցուցարարները հոկտեմբերի սկզբից ծայր առած բողոքների ընթացքում պահանջում են կառավարության հրաժարականը, պայքար կոռուպցիայի, գործազրկության դեմ, կենսապայմանների բարելավում:
Բաժանորդագրվեք մեր ալիքին Telegram-ում
