1 րոպեի ընթերցում
ԵՐԵՎԱՆ, 29 ՀՈԿՏԵՄԲԵՐԻ, ԱՐՄԵՆՊՐԵՍ: Հայաստանի ֆուտբոլի ազգային թիմի հարձակվող Սարգիս Ադամյանը դարձել է գոլի հեղինակ «Հոֆենհայմ»-ի հերթական խաղում:
«Արմենպրես»-ի հաղորդմամբ՝ Գերմանիայի ֆուտբոլի գավաթի խաղարկության 1/16 եզրափակիչում «Հոֆենհայմ»-ը արտագնա խաղում մրցեց «Դույսբուրգ»-ի հետ և հաղթեց 2:0 հաշվով:
Հայաստանի ազգային թիմից Սարգիս Ադամյանը «Հոֆենհայմ»-ի մեկնարկային կազմում էր, 59-րդ րոպեին դարձավ գոլի հեղինակ և մասնակցեց ամբողջ խաղին:
«Հոֆենհայմ»-ը դուրս եկավ Գերմանիայի գավաթի խաղարկության 1/8 եզրափակիչ: