Երևանը հին է Հռոմից. հայ օդաչուն դիմել է Իտալիա մեկնող օդանավի ուղևորներին /լրացված/

ԵՐԵՎԱՆ, 18 ՀՈԿՏԵՄԲԵՐԻ, ԱՐՄԵՆՊՐԵՍ: Սոցիալական ցանցերում լայն տարածում է գտել մի տեսանյութ, որում դեպի Հռոմ մեկնող օդանավի ուղևորներին է դիմում ազգությամբ հայ օդաչուն: Ինքնաթիռը վայրէջք կատարելու ժամանակ օդաչուն ուղևորներին պատմել է Երևանի՝ Հռոմից հին լինելու մասին:

«Փողոցում ձեզ կասեն, որ Հռոմն ամենահին քաղաքն է: Երբ Հռոմի մասին կպատմեն, խնդրում եմ, հիշեցրեք, որ Երևանը Հռոմից մեծ է 29 տարով»,- «Արմենպրես»-ի հաղորդմամբ՝ ասել է օդաչուն, որի խոսքն ինքնաթիռում ընդունվել է ծափողջույններով:

Посмотреть эту публикацию в Instagram

«Не верьте итальянцам, Ереван старше Рима на 29 лет» – об этом на весь самолет объявил пилот рейса перед посадкой в «вечный город». Пилот, конечно же, был армянином. #Армения #Рим #Италия #Yerevan #Erebuni #Italy #ItalyArmenia #Ереван #Artsakh

Публикация от Armlink (@armlink.am) 17 Окт 2019 в 12:27 PDT

«Արմենպրես»-ը կապ հաստատեց տեսանյութը «Ինստագրամ»-ի իր էջում հրապարակած ուղևորուհու հետ: Նա տեղեկացրեց, որ Հռոմ էր ուղևորվում Մոսկվայից՝ կինոփառատոնի մասնակցելու նպատակով: «Օդաչուն, ում անունը Արթուր է, ասաց, որ մենք մեկնում ենք աշխարհի հին քաղաքներից մեկը, իսկ թե որն է ամենահինը, կպատմի տեղ հասնելուն պես: Ես մտապահեցի նրա ասածը և վայրէջքից հետո, որոշեցի տեսաձայնագրել նրա պատասխանը: Նա պատմեց մեզ Աթենքի մասին, և հետո ավելացրեց իր մեկնաբանությունը Երևանի վերաբերյալ»,-ասաց նա:

Հայաստանի քաղաքամայր Երևանը հոկտեմբերի 19-ին կտոնի 2801 ամյակը: