Սիրիայի հյուսիս-արեւելքում 83 հազարից ավելի խաղաղ բնակիչներ պարենային օգնություն են ստացել ՄԱԿ-ից

ԵՐԵՎԱՆ, 15 ՀՈԿՏԵՄԲԵՐԻ, ԱՐՄԵՆՊՐԵՍ: Սիրիայի հյուսիս-արեւելքում 83 հազարից ավելի խաղաղ բնակիչներ, որոնք փախել են մարտերից, պարենային օգնություն են ստացել ՄԱԿ-ից: Այդ մասին, ինչպես տեղեկացնում Է «Արմենպրես»-ը, հոկտեմբերի 15-ին Ժնեւում կայացած ճեպազրույցում հայտնել Է համաշխարհային կազմակերպության Պարենի համաշխարհային ծրագրի (ՊՀԾ) պաշտոնական ներկայացուցիչ Էրվե Վերհուզելը:

«ՀՊԾ-ն պարենամթերքով անհապաղ օգնություն Է տրամադրել ավելի քան 83 հազար մարդու, որոնք փախել են Սիրիայի հյուսիսարեւելյան քաղաքներից»,-ասել Է նա:

Պաշտոնական ներկայացուցչի խոսքով՝ Պարենի համաշխարհային ծրագիրը ներկայում հնարավորություն ունի միանգամյա հումանիտար աջակցություն ցուցաբերել այս շրջանի 450 հազար սիրիացիների: Ընդհանուր առմամբ ՄԱԿ-ը եւ նրա գործընկերները, ասել Է Վերհուզելը, քայլեր են ձեռնարկում, որպեսզի հնարավորություն ունենան օժանդակություն ցուցաբերել եւ պաշտպանություն տրամադրել 400 հազար սիրիացիների, որոնք կունենան դրա կարիքը:

Իր հերթին ՄԱԿ-ի ՄԱԿ-ի փախստականների գործերի գերագույն կոմիսարի վարչության պաշտոնական ներկայացուցիչ Լիզ Տրոսելը հայտնել Է, որ այդ գերատեսչությունը գրեթե 32 հազար մարդու Է օգնություն ցույց տվել Սիրիայի հյուսիս-արեւելքում: Հասիքե եւ Թել Թամեր քաղաքներում 20 հազարից ավելի ներքին վերաբնակների բաժանել են վերմակներ եւ առաջին անհրաժեշտության առարկաներ, հաղորդել Է ՏԱՍՍ-ը: