Իրանցի ուխտավորների փոխադրող ավտոբուս Է վթարի ենթարկվել Իրաքում, կան զոհեր ու տասնյակ վիրավորներ
1 րոպեի ընթերցում
![Իրանցի ուխտավորների փոխադրող ավտոբուս Է վթարի ենթարկվել Իրաքում, կան զոհեր ու տասնյակ վիրավորներ](http://armenpress.am/resized/480/static/news/b/2019/10/991311.jpg)
ԵՐԵՎԱՆ, 11 ՀՈԿՏԵՄԲԵՐԻ, ԱՐՄԵՆՊՐԵՍ: Առնվազն ութ մարդ Է զոհվել, եւս երեսունը՝ տուժել Իրաքում իրանցի ուխտավորների փոխադրող ավտոբուսի վթարի հետեւանքով: Այդ մասին, ինչպես տեղեկացնում Է «Արմենպրես»-ը, հայտնել Է Իրանի IRIB պետական հեռուստառադիոընկերությունը:
Նրա տվյալներով, բախվել են երկու ավտոբուս, դրանցից մեկը իրանցի ուխտավորների Էր փոխադրում: Ամեն տարի հազարավոր շիա ուխտավորներ են մեկնում Իրաքում իրենց համար սրբազան վայրեր՝ մասնակցելու կրոնական սգո արարողություններին, որոնց բարձրակետն սպասվում Է Աշուրա սգո 40-րդ օրը, որն այս տարի համընկնում Է հոկտեմբերի 19-ին, հաղորդել Է ՌԻԱ Նովոստին: