ԵՐԵՎԱՆ, 10 ՀՈԿՏԵՄԲԵՐԻ, ԱՐՄԵՆՊՐԵՍ: Սիրիայի հյուսիսում թուրքական բանակի ռազմական գործողությունը կարող Է վտանգավոր հետեւանքներ ունենալ Սիրիայի միասնության համար եւ բացասաբար ազդել արաբական այդ հանրապետությունում ահաբեկիչների դեմ պայքարի ընթացքի վրա: Այդ մասին, ինչպես տեղեկացնում Է «Արմենպրես»-ը, Լիբանանի նախագահ Միշել Աունը հայտարարել Է ՄԱԿ-ի գլխավոր քարտուղարի քաղաքական գործերով օգնական Ռոզ Մարի դե Կառլոյի հետ հոկտեմբերի 10-ին Բաաբդի պալատում կայացած հանդիպմանը:
«Նախագահ Աունը ՄԱԿ-ի խորհրդականի ուշադրությունը դարձրել Է այն բանի վրա, որ սիրիա-թուրքական սահմանին տեղի ունեցող վերջին իրադարձությունները կարող են վտանգավոր հետեւանքներ ունենալ Սիրիայում պատերազմի ընթացքի վրա, եւ Լիբանանը հետեւում Է իրադարձությունների զարգացմանը, հուսալով, որ ոտնձգություններ չեն լինի Սիրիայի միասնության եւ փախստականների հետ կապված իրողությունների դեմ»,-ասված Է Լիբանանի նախագահի մամուլի ծառայության հայտարարության մեջ, հաղորդել Է ՌԻԱ Նովոստին: