Ռոհանին պարզաբանել Է, թե ինչու չի համաձայնել բանակցել Թրամփի հետ
2 րոպեի ընթերցում
![Ռոհանին պարզաբանել Է, թե ինչու չի համաձայնել բանակցել Թրամփի հետ](http://armenpress.am/resized/480/static/news/b/2019/10/990253.jpg)
ԵՐԵՎԱՆ, 2 ՀՈԿՏԵՄԲԵՐԻ, ԱՐՄԵՆՊՐԵՍ: Իրանի նախագահ Հասան Ռոհանին, հոկտեմբերի 2-ին ելույթ ունենալով կառավարության նիստում, հայտարցարել Է, որ չի համաձայնել ԱՄՆ-ի իր պաշտոնակից Դոնալդ Թրամփի հետ բանակցել ՄԱԿ-ի Գլխավոր ասամբլեայի շրջանակում, քանզի չի հավատացել, որ այդ հանդիպումը Թեհրանի շահերից Է բխում, տեղեկացնում Է «Արմենպրես»-ը:
«Եթե ես վստահ լինեի, որ այդ բանակցությունները համապատասխանում են Իրանի ժողովրդի շահերին, ապա ես, անտարակույս, կհամաձանեի»,- Ռոհանիի խոսքը մեջբերել Է IRIB հեռուստառադիոհաղորդումների կորպորացիան: Նա հավելել Է, որ «ԱՄՆ-ի նախագահը ՄԱԿ-ի ԳԱ-ում իր ելույթի ընթացքում երկու անգամ հայտարարեց, որ ցանկանում Է խստացնել Իրանի դեմ սահմանված պատժամիջոցները»: «Ես ասացի մեր եվրոպացի ընկերներին՝ ինչպե՞ս մենք կարող ենք դա ընդունել: Մենք պետք Է հավատանք ձեզ, որ Վաշինգտոնը պատրաստ Է երկխոսության կամ ԱՄՆ-ի նախագահին, որը 24 ժամվա ընթացքում երկու անգամ հանդես եկավ Թեհրանի վրա ճնշումն ուժեղացնելու օգտին»,- նշել Է Ռոհանին:
Ավելի վաղ Իրանի նախագահը հայտարարել Է, որ Թեհրանը պատրաստ Է «թեկուզ մեկ ժամից» միջուկային գործարքի վերաբերյալ բանակցությունների սեղանի շուրջ նստել «5+1» ձեւաչափով, որտեղ կլինի ԱՄՆ-ը, բայց Վաշինգտոնը նախ պետք Է վերացնի պատժամիջոցները: «Մենք քանիցս մերժել ենք (ԱՄՆ-ի եւ Իրանի նախագահների միջեւ) բանակցությունները: Եթե բանակցությունները կայանան, ապա կլինեն «5+1» ձեւաչափով»,-ասել Է Ռոհանին: «Մենք բացեիբաց ասում Էինք, որ պատրաստ ենք բանակցություններ վարել, բայց ոչ պատժամիջոցների ու ճնշումների պայմաններում: Ինձ հարցնում Էին՝ երբ եք դուք պատրաստ դա անել, ես պատասխանում Էի՝ թեկուզ մեկ ժամից պատրաստ կլինեմ մասնակցել «5+1» խմբի նիստին, բայց սկզբում դուք ճիշտ մթնոլորտ ստեղծեք»,- հավելել Է Իրանի նախագահը, հաղորդել Է ՏԱՍՍ-ը: