Իրանը պատրաստ Է բանակցել Պարսից ծոցի անվտանգության շուրջ
2 րոպեի ընթերցում
![Իրանը պատրաստ Է բանակցել Պարսից ծոցի անվտանգության շուրջ](http://armenpress.am/resized/480/static/news/b/2019/09/989919.jpg)
ԵՐԵՎԱՆ, 30 ՍԵՊՏԵՄԲԵՐԻ, ԱՐՄԵՆՊՐԵՍ: Իրանն ավելի լուրջ բանակցությունների Է պատրաստ Պարսից ծոցի անվտանգության ապահովման նախաձեռնության շուրջ, որով ՄԱԿ-ի Գլխավոր ասամբլեայի ամբիոնից հանդես եկավ Իրանի նախագահ Հասան Ռուհանին: Այդ մասին, ինչպես տեղեկացնում Է «Արմենպրես»-ը, հայտնել Է երկրի կառավարության պաշտոնական ներկայացուցիչ Ալի Ռաբիին:
«Այժմ ոչ մի երկիր չի կարողանա անտեսել այդ նախագիծը (Պարսից ծոցի անվտանգության վերաբերյալ): Իրանը պատրաստ Է ավելի հանգամանալի բանակցություններ վարել այդ հարցի շուրջ»,-ասել Է նա մամուլի ասուլիսի ընթացքում, որը ցուցադրվել Է կառավարության կայքում:
Ռաբիին նշել Է, որ Իրանը պատրաստ Է լրջորեն քննարկել այդ հարցը: Նրա խոսքով՝ Իրանի նախագահի առաջարկությունը Պարսից ծոցի անվտանգության գծով ԱՄՆ-ի կողմից ստեղծվող կոալիցիայից տարբերում Է նրանով, որ Թեհրանն անվտանգությունն ապահովելու խնդրում հենվում Է այդ տարածաշրջանի երկրների վրա: Իր հերթին Իրանի ԱԳ նախարարության ներկայացուցիչ Աբաս Մուսավին սեպտեմբերի 30-ին տեղի ունեցած ճեպազրույցի ընթացքում հայտնել Է, որ գերատեսչությունը մտադիր Է շուտով հրապարակել այդ նախաձեռնության մանրամասները:
Ռուհանին Իրանի հարակից ջրատարածքում անվտանգության ապահովման իր կոալիցիան ստեղծելու ԱՄՆ-ի փորձերի ֆոնին փաստորեն առաջարկել Է այլընտրանքային տարբերակ՝ ստեղծել տարածաշրջանային կոալիցիա՝ «Հույսի կոալիցիա» անվանումով՝ հանդես գալով այս ջրային երթուղու երկայնքով անվտանգության «Հորմուզյան խաղաղ նախաձեռնությամբ» (Պարսից եւ Օմանի ծոցերը միացնող Հորմուզի նեղուցի անվանմամբ):
Ինչպես հայտնել Է Իրանի նախագահը, կոալիցիան գործելու Է փոխադարձ հարգանքի, հավասարության, երկխոսության, տարածքային ամբողջականության հարգման, բոլոր հակասությունների խաղաղ կարգավորման, ինչպես նաեւ «չհարձակվելու եւ միմյանց ներքին գործերին չմիջամտելու» սկզբունքի հիման վրա, հաղորդել Է ՌԻԱ Նովոստին: